A propos...

Amicale des Corses de l'Isère et des amis de la Corse. Association loi 1901. Grenoble, Dauphiné, Isère.

Elle a pour seul but de promouvoir la culture Corse par le biais d'actions et d'évènements spécifiques et dédiés.

Elle est apolitique, et aconfessionnelle !

Elle se constitue autour de valeurs simples et humaines dans l'échange, le partage et la convivialité.

Toutes les personnes sont appelées à partager et échanger avec nous dans le respect de notre promotion : apolitique et aconfessionnelle.

samedi 16 juillet 2011

Le Saint du Jour ** "Notre-Dame du mont Carmel"

A Madonna di u Carmine. Santa Celestina.
U nome, Madonna di u Carmine, vene da a Cungregazione di i frati Carmelitani chì avianu un munasteru nantu à u monte Carmelu, in Palestina, vicinu à Haiffa, cungregazione ricunnusciuta da u papa Onoriu Terzu in u 1226.
In i primi anni di u dicessettesimu seculu, a festa di a Madonna di u Carmine hè stata detta dinù festa di u Scapularu. Dicianu chì, un 16 lugliu, a Vergine Maria avia datu un scapularu à u Carmelitanu Simone Stock. E' in u 1726, Benedettu XII avia stesu issa celebrazione à a Chjesa Universale.
Fù un tempu chì una bolla papale permettia, à l'anime di quelli chì avianu purtatu u scapulare di Simone Stock, di esce da u purgatoriu u sabbatu dopu à esseci entrate. Ma a bolla, attribuita à Ghjuvanni XXI, era un falzu.
Etimolugia: da u lat. "carmen" (canzona).
Nomi: Carma, Carmel, Carmela, Carmelo, Carmen, Carmencita, Carmina, Carmine, Carmine, Charmaine.
Litteratura: Mérimée, Bizet: "Carmen" (opera, 1875).
Centu per una, una santa cù u nome di Celestina ùn hà mai esistitu, ancu si certi dicenu ch'ella facia parte di l'ottucentu vergine marturiate attempu. Ma forse chì u nome Celestina era datu in l'onore di Santu Celestinu, un papa mortu l'annu 432, cum'è Ghjiseppina era datu in l'onore di San Ghjiseppu.
Una Celestina hè una sora di l'Ordine di San Benedettu, creatu in u 1251 da un frate (Pier Morone d'Isernia) chì serà fattu papa in u 1294 cù u nome di Celestinu Quintu.
Etimolugia: da u lat. "caelestis" (celestu).
Nomi: Celesta, Célesta, Céleste, Célestin, Celestina, Célestine, Celestino, Celestinu, Célia, Célie.
Paesi è cità: Utrecht. In Corsica: Rennu.
Litteratura: Fernando de Rojas: "Celestina" (tragicumedia, 1499).
Mineralugia: nome datu, per via di u so culore, à un sulfattu naturale.
Astrolugia: nome datu à una piccula pianeta scuperta in u 1844.
Cucina francese: "L'omelette à la Célestine" hè una frittata asaai alta. "Les épinards à la Célestine" sò riscaldati parechje volte per ch'elli sianu più savuriti.